Նիկոլը սա օգտագործում է` հարձակվելու Սամվել Կարապետյանի և երկրորդ տեմպով` եկեղեցու վրա. Արմեն Մինասյան
Արմեն Մինասյանը ֆեյսբուքյան իր էջում գրում է. «Նախ արտահոսք այն մասին, որ Նիկոլը պաշտոնական այցով գնալու է Անկարա (դիվանագիտական հարաբերություններ չկան, բայց պաշտոնապես այցելում են):
Այնուհետև առաջին ալիքով տեղի է ունենում քարոզչական հարձակում եկեղեցու վրա:
Հետո Սամվել Կարապետյանը հայտարարում է, որ սատարում է եկեղեցուն, ինչպես բոլոր հայերը: Կրկնում եմ` ԲՈԼՈՐ հայերը:
Նիկոլը սա օգտագործում է` հարձակվելու Սամվել Կարապետյանի և երկրորդ տեմպով` եկեղեցու վրա:
Զուգահեռ նաև հայտնվում է տեղեկություն, որ Անկարայում Նիկոլից պահանջելու են եկեղեցու կազմաքանդում և ռուսական բազայի դուրսբերում:
Ի դեպ, չի բացառվում, որ Նիկոլի հետ Անկարա կժամանի նաև Ալիևը:
Ասելիքս որն է. Սամվել Կարապետյանին սատարում ենք բոլորս (չնայած նա հազիվ թե դրա կարիքն ունի), բայց զավեշտն այն է, որ Սամվել Կարապետյանին սատարելով, պետք է նեցուկ կանգնենք եկեղեցուն, պետությանը, մեր ճակատագրին:
Ցավալի է, բայց հասել ենք ջրբաժանին»:
