Լորի ձվի արտադրամասի գործունեությունը դադարեցվել է. ՍԱՏՄ
ՀՀ սննդամթերքի անվտանգության տեսչական մարմնի Կոտայքի մարզային կենտրոնի տեսուչները ստուգում են իրականացրել անհատ ձեռնարկատեր Ռաֆիկ Մնացականյանին պատկանող թռչնի (լորի) ձվի արտադրամասում (Կոտայքի մարզ, ք․ Հրազդան): Այս մասին տեղեկացնում է ՍԱՏՄ-ն:
Ստուգման ընթացքում հայտնաբերվել են հետևյալ խախտումները․
– արտադրամասը սարքավորված չի եղել սանհանգույցով և ձեռքերը լվանալու համար նախատեսված լվացարաններով,
– շինության հատակի, պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից,
– կոյուղու համակարգը նախագծված և իրականացված չի եղել այնպես, որպեսզի բացառվի սննդամթերքի աղտոտման ռիսկը,
– արտադրամասը ապահովված չի եղել անձնակազմի համար հանդերձարանով։
Լորի ձվի արտադրամասի գործունեությունը դադարեցվել է մինչև հայտնաբերված խախտումները վերացնելը։
