ՌԴ ԱԻՆ-ը կվերակառուցի խորհրդային ժամանակվա ռմբապաստարանները
Ռուսաստանի Արտակարգ իրավիճակների նախարարությունը նախատեսում է վերակառուցել և արդիականացնել խորհրդային ժամանակաշրջանի ռմբապաստարանները։ Ինչպես տեղեկացնում է «Moscow Times»-ը, այս մասին հայտարարել է ՌԴ արտակարգ իրավիճակների նախարար Ալեքսանդր Կուրենկովը։
«Այս նպատակով անհրաժեշտ է շուրջ 155 մլրդ ռուբլի»,– նշել է նախարարը։ՌԴ ԱԻՆ 2022 թվականի տվյալներով՝ խորհրդային ժամանակաշրջանի ռմբապաստարանների 67 տոկոսը ներկայում պիտանի չէ շահագործման։
