Ոստիկանությունը կոչ է անում հետևել բերդավանցի երիտասարդի օրինակին
Համայնքային ոստիկանության Նոյեմբերյանի բաժնի ծառայողների բացատրական աշխատանքի արդյունքում մայիսի 27-ին Բերդավան գյուղի 32-ամյա բնակիչը բաժին է ներկայացրել «ՏՕԶ» տիպի 5,6 մմ տրամաչափի ակոսափող հրացան:
Նա հայտնել է, որ այն պատկանել է հանգուցյալ պապին:
Կազմված փաստաթղթերը ներկայացվել են քննչական բաժին։
Զենք ու զինամթերք ապօրինի պահողներին ոստիկանությունը կոչ է անում հետևել բերդավանցի երիտասարդի օրինակին:
«Նաև հիշեցնենք, որ կամավոր հանձնողներն ազատվում են քրեական պատասխանատվությունից»,- ասված է ոստիկանության հաղորդագրության մեջ:
