Մասկը հայտարարել է, որ Թրամփի վարչակազմում իր ժամանակը «մոտեցել է ավարտին»
Գործարար, Tesla-ի և SpaceX-ի ղեկավար Իլոն Մասկը հեռանում է հատուկ պետական ծառայողի պաշտոնից, որը նա զբաղեցնում էր ԱՄՆ նախագահ Դոնալդ Թրամփի վարչակազմում: Այս մասին նա հայտնել է X սոցցանցում։
Ավելի վաղ ԶԼՄ-ներըգրել էին, որ ԱՄՆ նախագահ Դոնալդ Թրամփն իր շրջապատին հայտնել է, որ Միացյալ Նահանգների պետական արդյունավետության դեպարտամենտի (DOGE) ղեկավար Իլոն Մասկն առաջիկա շաբաթներին կլքի իր պաշտոնը:
«Հատուկ պետական ծառայողի պաշտոնում իմ պաշտոնավարման ժամկետի ավարտի կապակցությամբ ցանկանում եմ շնորհակալություն հայտնել նախագահ Դոնալդ Թրամփին շռայլ ծախսերը կրճատելու հնարավորություն ընձեռելու համար», – գրել է Մասկը:
Թրամփի վարչակազմում Իլոն Մասկըղեկավարել է կառավարության արդյունավետության վարչությունը (DOGE), որը ստեղծվել է պետության ծախսերը կրճատելու նպատակով: Այդ պաշտոնում, ինչպես նշում են ԶԼՄ-ները, Մասկը կարողացել է ծախսերը երկու տրիլիոն դոլարից հասցնել 1,15 տրիլիոն դոլարի:
