Հայաստանն ուզում է ՀԲ-ից 100 մլն դոլարի վարկ վերցնել զբոսաշրջությունը զարգացնելու համար
Հայաստանը նախատեսում է Համաշխարհային բանկից 100 մլն դոլարի վարկ ներգրավել զբոսաշրջային կլաստերների զարգացման համար։ Այս մասին կառավարության նիստից հետո լրագրողների հետ ճեպազրույցում ասաց էկոնոմիկայի նախարար Գևորգ Պապոյանը։
Նրա խոսքով՝ միջազգային ֆինանսական կազմակերպություններից մեկի հետ բանակցություններն ավարտական փուլում են։
Հատկացված միջոցներով նախատեսվում է արդիականացնել զբոսաշրջային ենթակառուցվածքները արդեն հայտնի հանգստի կենտրոններում՝ Գորիսում, Դիլիջանում, Գյումրիում և Ջերմուկում, ինչպես նաև նոր ուղղություններ ստեղծել: Մասնավորապես, նախատեսվում է գյուղական զբոսաշրջության կլաստերի ձևավորում Եզեգիս գյուղում և գինու կլաստերի ձևավորում Վայոց Ձորի մարզի Արենի գյուղում։
Բացի այդ, զբոսաշրջային կլաստերներ կարող են հայտնվել Ապարանում և Դվին գյուղում, որի մոտ են Հայաստանի հնագույն մայրաքաղաքներից մեկի ավերակները։
