Կապանում Ռուսաստանի հյուպատոսության բացման ուղղությամբ աշխատանքներ են տարվում. Սերգեյ Լավրով
Կապանում ռուսական հյուպատոսություն բացելու ուղղությամբ նախապատրաստական աշխատանքներ են տարվում։ Երևանում այս մասին հայտարարեց ՌԴ արտգործնախարար Սերգեյ Լավրովը։
«Հարցն այսօր քննարկվել է երկու երկրների արտգործնախարարների բանակցությունների ժամանակ»,– ասաց նա Արարատ Միրզոյանի հետ համատեղ ասուլիսի ժամանակ:
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Կապանում ՌԴ գլխավոր հյուպատոսություն բացելու հարցում բազմապլանային կոնկրետություն կա, և մինչև մայիս կոնկրետ պայմանավորվածություններ կլինեն գլխավոր հյուպատոսության բացման ժամկետների վերաբերյալ:
Նշենք, որ Սյունիքի մարզում ռուսական գլխավոր հյուպատոսություն բացելու հարցը քննարկվում է շուրջ երեք տարի։ 2023թ. սեպտեմբերից Կապանում աշխատում է հյուպատոսության բացման նախապատրաստական աշխատանքների համար պատասխանատու առաջատար խումբը:
