Սերբական լրատվամիջոցը հաղորդում է Ալեքսանդր Վուչիչի հոսպիտալացման մասին

Սերբիայի նախագահ Ալեքսանդր Վուչիչը մայիսի 3-ին տեղափոխվել է Բելգրադի ռազմաբժշկական ակադեմիա։

Այս մասին հայտնում է սերբական РТС հեռուստառադիոալիքը։

Նախագահի հոսպիտալացման պատճառների մասին տեղեկություն չի հաղորդվում։

Լրատվամիջոցի տվյալներով՝ Վուչիչի ինքնազգացողությունը վատացել է ԱՄՆ կատարած այցի ժամանակ։ Այդ պատճառով նա որոշել է կրճատել այնտեղ մնալու ժամկետը և չի կարողացել անցկացնել նախատեսված բոլոր հանդիպումները։