Սուրբ Հարությունը մեր ազգային ոգու վերածնունդն ու միասնականության վկայությունն է. Գագիկ Ծառուկյան
Սուրբ Հարության տոնը քրիստոնեական հավատքի ամենալուսավոր խորհուրդներից է։ Այս խորհրդավոր օրը Տիրոջ Հարության ավետիսով և անսահման խոնարհումով այցելեցինք Եռաբլուր՝ աղոթքով և լռությամբ գլուխ խոնարհելու մեր անմահացած քաջորդիների հավերժ հիշատակի առաջ։ Այս մասին ֆեյսբուքյան իր էջում գրում է Գագիկ Ծառուկյանը՝ կից տարածելով այս տեսանյութը։
«Սուրբ Հարությունը մեր ազգային ոգու վերածնունդն ու միասնականության վկայությունն է։ Մեր պարտքն է միշտ հիշել և վարձահատույց լինել այն հերոսներին, ովքեր իրենց կյանքը դրեցին մեր ազատ ու անկախ հայրենիքի հենքում։
Խոնարհում, փառք և հավերժ հիշատակ մեր հերոսներին։
Թող Տիրոջ օրհնությունը մշտապես ուղեկից լինի մեր ժողովրդին և հայրենիքին»,- ասված է Գագիկ Ծառուկյանի գրառման մեջ։
