«Նուբարաշեն» ՔԿՀ-ում 52–ամյա դատապարտյալ է ինքնասպան եղել
Այսօր «Նուբարաշեն» քրեակատարողական հիմնարկում 52-ամյա դատապարտյալ է ինքնասպան եղել։ Sputnik Արմենիայի հետ զրույցում տեղեկությունը հաստատեց ՔԿԾ մամուլի քարտուղար Նոնա Նավիկյանը։
Նրա խոսքով՝ ապրիլի 20-ին՝ ժամը 11։30-ի սահմաններում, 1973թ․ ծնված Զ․Խ․-ն ինքնասպան է եղել՝ ինքնաշեն պարանով կախվելու միջոցով։
«Անմիջապես կանչվել է շտապօգնություն։ Ժամանած շտապօգնության բուժանձնակազմն արձանագրել է դատապարտյալի մահը»,- հայտնեց Նավիկյանը։
Դեպքի առթիվ ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժնում նախաձեռնվել է քրեական վարույթ։
