Չինաստանում առանց միջուկային հիմքի ջրածնային ռումբ են փորձարկել
Չինաստանից գիտնականները փորձարկել են ջրածնի հիմքով պայթուցիկ սարքի ազդեցությունը։ Նրանք պայթյունի են հասել առանց միջուկային նյութերի օգտագործման, ասվում է հետազոտության մեջ: Ինչպես հայտնում է South China Morning Post-ը, սարքը մշակվել է Չինաստանի պետական նավաշինական կորպորացիայի (CSSC) 705-րդ հետազոտական ինստիտուտի կողմից, որը, ի թիվս այլնի, զբաղվում է ստորջրյա զենքի արտադրությամբ։
Ռումբի մեջ օգտագործված է մագնեզիումի հիդրիդ: Այս քիմիական նյութը ջրածնի պահեստավորման ձևերից մեկն է, տարրի կոնցենտրացիան դրանում գերազանցում է 7%-ը։ Երբ սովորական պայթուցիկները պայթեցվում են, մագնեզիումի հիդրիդը ենթարկվում է արագ ջերմային տարրալուծման՝ ազատելով ջրածնի գազը։ Այն բռնկվում է՝ առաջացնելով երկարատև կրակ։
Գիտնականները փորձարկել են 2 կգ կշռող ռումբ. պայթյունից հետո ավելի քան երկու վայրկյան հրե գունդ է երևացել, որի ջերմաստիճանը գերազանցել է 1000 աստիճանն ըստ Ցելսիուսի սանդղակի:
Այս ռումբի պայթյունի ուժգնությունը կարելի է ճշգրիտ կառավարել, նշում են սարքի ստեղծողները։ Սա հնարավորություն է տալիս հասնել թիրախների միատեսակ ոչնչացմանը մեծ տարածքի վրա, ընդգծել են նրանք։
