«Այո, չեմ ժխտում՝ եղել են մեր աջակիցները տարբեր համայնքներից, պետական կառույցներից մարդիկ, ինչը բնականոն է». Նազելի Բաղդասարյան
Մարտի 28-ին Գյումրիում ՔՊ թեկնածու Սարիկ Մինասյանի հավաքին մարդիկ էին բերվել Երևանից, Շիրակի մարզի այլ քաղաքներից և գյուղերից, առողջապահական և կրթական հաստատություններից: Բացի այդ՝ քարոզարշավային հավաքին մասնակցում էին ՔՊ-ական պաշտոնյաներ, համայնքապետեր: Այսինքն, կիրառվել է վարչական ռեսուրս:
Այսօր Գյումրիում լրագրողների հետ զրույցում Նիկոլ Փաշինյանի մամուլի քարտուղար, Գյումրու ավագանու թեկնածու Նազելի Բաղդասարյանը դա չի համարել «մարդ բերել»:
«Այո, ես չեմ ժխտում, որ եղել են մեր աջակիցները տարբեր համայնքներից, ինչը բնականոն է: Այո, եղել են մարդիկ նաև պետական կառույցներից»,- շեշտել է նա:
Հարցին՝ այդպես խմբավորված որոշեցին բոլորն այցելել Գյումրի՞, Բաղդասարյանն արձագանքել է.
«Մենք ունենք կուսակցական համայնքի ղեկավարներ, որոնք, բնականաբար, վարչական ղեկավարներ են նշանակում շատ դեպքերում էլի մեր կուսակցության անդամներին, ինչն է էստեղ զարմանալի: Այնտեղ մարդիկ կային, որոնք վերջին օրերին այս կամ այն կերպ եղել են Գյումրիում և ներգրավված են եղել քարոզչական աշխատանքներում, ինչը նորմալ և բնականոն է»:
Նիկոլ Փաշինյանը մամուլի խոսնակը վստահեցրել է՝ խաղաղության համաձայնագիրը որևէ առնչություն չունի Գյումրիի ՏԻՄ ընտրությունների հետ:
