Թրամփը սպառնացել է 200 տոկոս մաքսատուրք սահմանել ԵՄ–ի ալկոհոլային խմիչքների համար
ԱՄՆ նախագահ Դոնալդ Թրամփը սպառնացել է 200 տոկոս մաքսատուրք սահմանել ԵՄ–ի բոլոր գինիների և ալկոհոլային այլ խմիչքների համար, եթե Եվրամիությունը չչեղարկի ամերիկյան վիսկիի համար նախատեսված մաքսատուրքը:
Թրամփն այս մասին գրել է Truth սոցիալական ցանցի իր էջում: Թրամփը նշել է, որ ԵՄ–ն նոր է սահմանել այդ մաքսատուրքը:
«Եթե այդ մաքսատուրքը անհապաղ չհանվի, ԱՄՆ-ն շուտով 200 տոկոս մաքսատուրք կսահմանի Ֆրանսիայից և ԵՄ այլ երկրներից դուրս եկած բոլոր գինիների, շամպայնների և ալկոհոլային ապրանքների համար: Սա հիանալի կլինի ԱՄՆ-ում գինու և շամպայնի բիզնեսի համար»,–գրել է ԱՄՆ նախագահը:
