Հայաստանում կանայք զբաղված բնակչության կեսից մի փոքր ավելի քիչ են. Եվրասիական տնտեսական հաձնաժողով
ՌԴ-ում եւ Բելառուսում կանայք կազմում են զբաղված բնակչության կեսը, Ղազախստանում այդ ցուցանիշը 48 տոկոս է, Հայաստանում՝ 44, Ղրղզստանում՝ 39 տոկոս, տեղեկացրել է Եվրասիական տնտեսական հանձնաժողովի մամուլի ծառայությունը։
ԵԱՏՄ երկրների տնտեսությունների համար կանայք արժեքավոր կադրային ռեսուրս են։ Նրանց դերն անշեղորեն ավելանում է բոլոր ոլորտներում։ Եվ դա հաստատում է զբաղվածության կառուցվածքի ուսումնասիրությունը։
Կանանց աճող դերի օրինակ է Եվրասիական տնտեսական հանձնաժողովը, որտեղ նրանք կազմում են աշխատակիցների ընդհանուր թվի 54 տոկոսը։ Յուրաքանչյուրն ունի պատասխանատու պաշտոն եւ պարտականությունների լայն շրջանակ։
