Բեռլինի կենտրոնում բնակելի շենքում հրդեհ է բռնկվել, կան տուժածներ
Բեռլինի կենտրոնական թաղամասերից մեկում բնակելի շենքում հրդեհ է բռնկվել, 16 մարդ վիրավորվել է։ Այդ մասին հայտնել է քաղաքի հրշեջ ծառայությունը։
«Այրվում է հինգ հարկանի բնակելի շենքի առաջին հարկում գտնվող բնակարանը Կրոյցբերգի թաղամասում, ընդհանուր առմամբ 16 մարդ վիրավորվել է, մեկ հոգի ծանր վնասվածքներ է ստացել»,-ասված է հաղորդագրության մեջ։
Դեպքի վայր է շտապել 70 հրշեջ, նրանք մարել են կրակը և օգնել տան բնակիչներին տարհանել։ Տուժածներից չորսը տեղափոխվել են հիվանդանոց։ Հրդեհի պատճառը դեռ պարզված չէ։
