ՖԻՖԱ․ կանանց Հայաստանի հավաքականը բարձրացել է դասակարգման աղյուսակում
Ֆուտբոլի միջազգային ֆեդերացիան հրապարակել է կանանց ազգային հավաքականների դասակարգման աղյուսակը։ Հայաստանի հավաքականը երկու անընդմեջ հաղթանակից հետո բարելավել է դիրքը երեք աստիճանով եւ 143-րդն է։
ՈւԵՖԱ կանանց Ազգերի լիգայում Հայաստանի հավաքականը մեկնարկել է երկու հաղթանակով եւ 6 միավորով C լիգայի երրորդ խմբի առաջատարն է։
Արտակ Ադամյանի գլխավորած թիմը 6:1 հաշվով հաղթել է Լիխտենշտեյնի հավաքականին, 2:0 հաշվով՝ Ղազախստանի թիմին։
Ապրիլի 4-ին Հայաստանի թիմի մրցակիցը կլինի Լյուքսեմբուրգի թիմը։
