Սա իրականում փողերի լվացման և ՀՀ-ում կոռուպցիայի աճի սխեմա է. Սամսոն Գրիգորյան
ՓՄՁ Համագործակցության Ասոցիացիա ՀԿ նախագահ Սամսոն Գրիգորյանը ֆեյսբուքյան իր էջում տարածել է այս գրաֆիկը՝ գրելով. «Չէ, ես չեմ գրելու խաղամոլության մասին, չնայած, որ սա խաղադրույքների աճի սխեման է։ Սա իրականում փողերի լվացման և ՀՀ-ում կոռուպցիայի աճի սխեմա է։
Ուղղակի այնքան պրիմիտիվ ու դեբիլոտ են նորաթուխ թալանչիները (շռնդալից աճը տեղակայված է հենց 2018-2025թթ.), որ ամբողջ փողերի լվացումը ծանրացրել են այս մեկ ոլորտի վրա։
Ապրելով մարդկանց մեջ, մենք նկատել ենք որոշակի խաղամոլության աճ, բայց ոչ երբեք 52 անգամ։
Յուրաքանչյուր տեղեկացված մարդ կհաստատի, որ հայկական մի քանի խաղադրույքներով զբաղվող ընկերությունների մասին աշխարհում ոչ ոք չի լսել, ուր մնաց տրիլիոններով գումար վստահեին»։
