Ըմբիշ Վազգեն Թևանյանը դարձել է վարկանիշային մրցաշարի արծաթե մեդալակիր
Հայաստանի ազատ ոճի ըմբշամարտի հավաքականի անդամ Վազգեն Թևանյանը դարձել է վարկանիշային մրցաշարի արծաթե մեդալակիր:
Այս մասին հայտնում է Հայաստանի ըմբշամարտի ֆեդերացիան:
Վազգեն Թևանյանը դարձել է Մուհամեդ Մալո 2025 միջազգային վարկանիշային մրցաշարի արծաթե մեդալակիր:
Հայ ըմբիշը մասնակցել է 70 կգ քաշայինների պայքարին և անցկացրել է 4 գոտեմարտ՝ հաղթահարելով բուլղարացի, մոլդովացի և վրացի ըմբիշների արգելքը:
Եզրափակչում նա 1:4 հաշվով զիջել է ճապոնացի աշխարհի փոխչեմպիոն Յոշինոսուկեին:
