Փարիզը, Բեռլինը և Լոնդոնը պատրաստ են զորքեր ուղարկել Ուկրաինա
Եվրոպայի մի շարք երկրներ պատրաստ են զորքեր ուղարկել Ուկրաինա՝ ապահովելու հրադադարը, բայց կպահանջվի ԱՄՆ-ի աջակցությունը։ Այս մասին հայտարարել է Ֆրանսիայի ֆինանսների նախարար Էրիկ Լոմբարը Bloomberg TV-ին տված հարցազրույցում։
«Մենք սկսել ենք տեխնիկական քննարկումներ Ուկրաինայի վերաբերյալ: Կա ընդհանուր համաձայնություն, որ հրադադարի ռեժիմի երաշխավորման համար անհրաժեշտ է եվրոպացի զինվորներ ուղարկել Ուկրաինա: Մեծ Բրիտանիան, Գերմանիան և Ֆրանսիան պատրաստ են դրան, ԵՄ մյուս երկրները նույնպես կներդնեն իրենց ավանդը: Զինվորները կժամանեն հրադադարի ռեժիմի հաստատումից հետո՝ այն ապահովելու համար», – ասել է նա:
Նախարարի խոսքով՝ ԱՄՆ նախագահ Դոնալդ Թրամփը համաձայնել է աջակցություն ցույց տալ հրադադարի ռեժիմին, բայց չի հստակեցրել, թե ինչ կոնկրետ քայլեր կարող է ձեռնարկել Վաշինգտոնը։
Ավելի վաղ The Wall Street Journal-ը, վկայակոչելով Սպիտակ տան ներկայացուցչի, որի անունը չի նշվում, հայտնել էր, որ ԱՄՆ նախագահ Դոնալդ Թրամփի՝ Ուկրաինայում հակամարտության կարգավորման պլանը չի նախատեսում ոչ մի երաշխիք առ այն, որ ԱՄՆ-ն օգնություն կուղարկի Կիև մարտական գործողությունների վերսկսման դեպքում։ Թրամփն իր հերթին հայտնել է, որ Ուկրաինայում ամերիկյան խաղաղապահ զորակազմ չի տեղակայվի
