Եվրոպային անհրաժեշտ է ևս 300 հազար զինվոր, որպեսզի ՌԴ-ի հետ պատերազմի դեպքում ԱՄՆ աջակցության կարիքը չունենա. IfW
Եվրոպական երկրներին անհրաժեշտ է եւս 300 հազար զինվոր՝ պատերազմի դեպքում առանց ԱՄՆ աջակցության Ռուսաստանից պաշտպանվելու համար։ Այս մասին հայտնել են Բրյուսելի Bruegel հետազոտական ինստիտուտում եւ Քիլի համաշխարհային տնտեսության ինստիտուտում (IfW):
Ամեն տարի ԵՄ երկրներին անհրաժեշտ կլինեն մոտ 250 մլրդ եվրոյի լրացուցիչ ռազմական ծախսեր:
Պաշտպանության սեփական եվրոպական համակարգի ստեղծման մասին բանավեճը բորբոքվել է այն պատճառով, որ անվտանգության երաշխիքը ՆԱՏՕ-ի կողմից ԱՄՆ նախագահ Դոնալդ Թրամփի օրոք այնքան էլ հուսալի չի թվում, գրել է Bild-ը։
Միաժամանակ, Ռուսաստանն ավելացնում է իր զինված ուժերը։ «Ռուսաստանը կարող է առաջիկա երեք-տասը տարում ռազմական հզորություն ձեռք բերել, որը բավական կլինի ԵՄ երկրների վրա հարձակվելու համար»,- ասել է հետազոտության համահեղինակ Գունթրամ Վոլֆը։
