Եվրահանձնաժողովն ամբողջ կազմով կայցելի Կիև՝ ռուս-ուկրաինական հակամարտության երրորդ տարելիցի կապակցությամբ
Եվրահանձնաժողովը (ԵՀ) հաջորդ շաբաթ ամբողջ կազմով այց կկատարի Կիև՝ Ռուսաստանի ծավալած ռազմական գործողությունների սկսվելու երրորդ տարելիցի կապակցությամբ։ Այս մասին Բրյուսելում կայացած մամուլի ասուլիսում հայտնել է Եվրահանձնաժողովի ներկայացուցիչ Ստեֆան դե Կեերսմակերը։
«Հաջորդ շաբաթ Եվրահանձնաժողովի ամբողջ կազմը այց կկատարի Կիև՝ երրորդ տարելիցի առթիվ», – ասել է նա:Եվրամիությունը նաև նախատեսում է մինչև փետրվարի 24-ը սահմանել Ռուսաստանի դեմ պատժամիջոցների 16-րդ փաթեթը:
Ռուսաստանն Ուկրաինայի դեմ ռազմական գործողություններ է մեկնարկել 2022 թ. փետրվարի 24-ին։
