ԱՄՆ Սենատի հանձնաժողովը հաստատել է Թուլսի Գաբարդի թեկնածությունը Ազգային հետախուզության ղեկավարի պաշտոնում
ԱՄՆ Սենատի հետախուզության հանձնաժողովը մեկ ձայնի առավելությամբ հավանություն է տվել է Ազգային հետախուզության տնօրենի պաշտոնում ԱՄՆ նախագահ Դոնալդ Թրամփի կողմից առաջադրված Թուլսի Գաբարդի թեկնածությանը: Այդ մասին հաղորդում է Axios լրատվական հարթակը:
Գաբարդին պաշտպանել է ինը սենատոր, ութը դեմ է քվեարկել։
Ինչպես նշում է Axios-ը, Գաբարդն իր թեկնածությունը հաստատելու շուրջ լսումների ժամանակ բախվել է «դաժան հարցերի», այդ թվում՝ Ուկրաինայում ամերիկյան կենսաբանական լաբորատորիաների և Սիրիա ուղևորության վերաբերյալ:
Նա կարողացել է աջակցություն ապահովել միայն այն բանից հետո, երբ հրաժարվել է հասնել Ազգային անվտանգության գործակալության նախկին աշխատակից Էդվարդ Սնոուդենի ներմանը և խոստացել է հանձնաժողովին տեղեկատվություն տրամադրել արտասահմանյան իր ուղևորությունների մասին:
Այժմ Գաբարդի թեկնածությունը պետք է հաստատի ԱՄՆ Սենատի ամբողջական կազմը։
2019 թվականին Գաբարդը ԱՄՆ մի քանի այլ սենատորների և Ներկայացուցիչների պալատի հետ համատեղ աջակցել է Հայոց ցեղասպանության ճանաչման բանաձևին՝ հաստատելու ԱՄՆ-ի կողմից Հայոց ցեղասպանության պաշտոնական ճանաչումը և մշտական հիշատակումը:
