Սիրիայի հետ բանակցությունները Տարտուսի ռազմակայանի ճակատագրի շուրջ կշարունակվեն. Պեսկով
Ռուսաստանը կշարունակի Սիրիայի հետ բանակցությունները շատ հարցերի, այդ թվում՝ Տարտուսի ռազմակայանի ճակատագրի շուրջ։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Մեր պատվիրակությունը վերջերս բանակցություններ է վարել Դամասկոսում:
Պայմանավորվածություն է ձեռք բերվել շարունակել շփումները բոլոր հարցերի շուրջ: Կան շատ հարցեր քննարկման համար: Մենք կշարունակենք երկխոսությունը բոլոր թեմաների, այդ թվում դրա (խմբ.՝ Տարտուսում Ռուսաստանի ռազմակայանի ճակատագրի) շուրջ», – Կրեմլի ներկայացուցչի խոսքերն է մեջբերում ՏԱՍՍ-ը:
2025 թվականի հունվարի դրությամբ ՌԴ զինվորականները դեռևս վերահսկում էին Հմեյմիմ ավիաբազան և Տարտուսում գտնվող ռազմածովային բազան, որոնց ապագան անորոշ է։ Սիրիայի նոր նախագահ Ահմեդ աշ-Շարաան ասել է, որ Ռուսաստանը Սիրիայի համար կարևոր գործընկեր է և ցանկություն է հայտնել դրական հարաբերություններ պահպանել Մոսկվայի հետ։
