Սլովակիայի ԱԳՆ-ն բողոք է հայտնել Ուկրաինային՝ վարչապետ Ֆիցոյի քննադատության պատճառով
Սլովակիայի ԱԳՆ-ն կանչել է Ուկրաինայի դեսպանին և կտրուկ բողոք է հայտնել ուկրաինական կողմի հայտարարությունների դեմ, որը ավելի վաղ հայտարարել էր, որ Ռոբերտ Ֆիցոն «թունավորված է ռուսական քարոզչությամբ»՝ հաղորդում է Dennik N-ը:
Սլովակիայի ԱԳՆ-ն հայտարարել է, որ դա համարում է երկրի ներքին գործերին միջամտություն:
Երեկ հրապարակված տեսանյութում վարչապետ Ֆիցոն հայտարարել է, որ չի վստահում Ուկրաինայի նախագահ Վլադիմիր Զելենսկուն: Հունվարի սկզբին սլովակ վարչապետը ուկրաինական պետության ղեկավարի հասցեին հայտարարել էր, որ նա «շրջում է Եվրոպայով մեկ՝ միայն մուրալով և շանտաժ անելով մյուսներին»:
Ուկրաինան նաև հերքել է սլովակ վարչապետի պնդումները՝ Սլովակիայում հակակառավարական բողոքի ցույցերին Կիևի առնչության մասին:
