Իսրայելական զորքերը այսօր Լիբանանի հարավում 20-ից ավելի մարդու են սպանել
Լիբանանի հարավում իսրայելական բանակի հրետակոծության հետևանքով զոհվել է 22 մարդ, այդ թվում՝ մեկ զինվոր, երբ բնակիչները փորձել են տուն վերադառնալ այսօր՝ կիրակի օրը, երբ Իսրայելը, զինադադարի համաձայնագրով, պետք է հեռանար, հայտնում է AFP-ն՝ վկայակոչելով լիբանանյան առողջապահության մարմնին:
Դուրս գալու վերջնաժամկետը երկու ամիս առաջ ձեռք բերված հրադադարի համաձայնագրի մի մասն է, որը վերջ դրեց «Հեզբոլլահի» հետ Իսրայելի պատերազմին:
Համաձայնագրում, որն ուժի մեջ է մտել նոյեմբերի 27-ին, ասվում է, որ լիբանանյան բանակը ՄԱԿ-ի խաղաղապահների կողքին կտեղակայվի երկրի հարավում այն բանից հետո, երբ իսրայելական բանակը դուրս բերվի 60-օրյա ժամկետում, որն ավարտվել է կիրակի օրը:
