«Սկսվեց». Վլադիմիր Մարտիրոսյան
Վլադիմիր Մարտիրոսյանը ֆեյսբուքյան իր էջում գրում է. «Սկսվեց…
Երեկ ԱՄՆ Պետքարտուղար Մարկո Ռուբիոն կարգադրել է անհապաղ դադարեցնել ԱՄՆ-ի գրեթե ողջ արտաքին օգնության հոսքը՝ մինչև վերանայումը, ասվում է Պետդեպարտամենտի ներքին հեռագրում, որը ստացել է NBC News-ը:
Այսպիսով՝ ԱՄՆ բոլոր հյուպատոսական և դիվանագիտական ծառայություններին ուղարկված հրահանգը հաջորդում է նախագահ Դոնալդ Թրամփի երկուշաբթի տրված հրամանագրին, որը դադարեցնում է ԱՄՆ արտաքին օգնության նոր պարտավորություններն ու հատկացումները մինչև դրանց վերանայումը և համապատասխանեցումը «ծրագրային արդյունավետության և հետևողականության համար» ԱՄՆ արտաքին քաղաքականության հետ՝ հրամանից հետո 90 օրվա ընթացքում:
Հրահանգը սահմանում է, որ ԱՄՆ գերատեսչությունները, գործակալությունները և կազմակերպությունները «չպետք է տրամադրեն արտաքին օգնություն, որը ֆինանսավորվում է Դեպարտամենտի և ԱՄՆ ՄԶԳ-ի կողմից կամ նրա միջոցով՝ առանց ԱՄՆ Պետքարտուղարի թույլտվության կամ նրա նշանակված անձի թույլտվության:
Փաստացի ԱՄՆ նախկին դեմոկրատական ադմինիստրացիայի արտաքին քաղաքականությունն ու գերակայությունները սրանով դադարեցվեցին մինչ դրանց վերանայումը:
Այսօրվանից ուլտրալիբերալ «ազդեցության գործակալները», «օտարերկրյա գործակալները», «արտաքին շահերի լոբբիստները» մոտ 90 օր սպասելու են իրենց մշուշոտ ֆինանսական և գործակատարական ապագային»:
