ՆԱՏՕ-ն ուժեր է տեղակայելու Եվրոպայում․ Գրուշկո
ՆԱՏՕ-ն 2025 թվականին կփորձարկի Եվրոպայում ուժեր տեղակայելու իր նոր ճարտարապետությունը՝ Ռուսաստանին ռազմավարական պարտություն պատճառելու նպատակով, «Россия 24»-ի եթերում հայտարարել է Ռուսաստանի արտաքին գործերի փոխնախարար Ալեքսանդր Գրուշկոն։
«ՆԱՏՕ-ն 2025-ին կենտրոնանալու է ուժերի տեղակայման նոր ճարտարապետության իրականացման վրա, որին հետամուտ է վերջին տարիներին՝ Ռուսաստանի Դաշնությանը ռազմավարական պարտության մատնելու նպատակով»,- մասնավորապես, ասել է Գրուշկոն։
Նա հիշեցրել է, որ դեկտեմբերի կեսերին Բրյուսելում տեղի են ունեցել իրար հաջորդող մի շարք հանդիպումներ՝ դաշինքի ռազմական ղեկավարության մակարդակով, որտեղ հայտարարվել է, որ ՆԱՏՕ-ն 2025 թվականի համար պլանավորել է 100 զորավարժություն, որոնք հիմնականում տեղի կունենան ՆԱՏՕ-ի արևելյան գոտում։
