Եվրախորհրդարանը կոչ կանի ԵՄ երկրներին չճանաչել Բելառուսի ընտրությունների արդյունքները
Եվրախորհրդարանի անդամները Բելառուսի վերաբերյալ բանաձևով մտադիր են կոչ անել ԵՄ երկրներին չճանաչել Բելառուսի նախագահական ընտրությունների արդյունքները, ինչպես նաև շարունակել ընդլայնել պատժամիջոցներն այդ երկրի դեմ։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին ասված է Եվրախորհրդարանի կայքում հրապարակված փաստաթղթի նախագծում։
Արտաքին քաղաքականության հարցերի վերաբերյալ Եվրախորհրդարանի բանաձևերը խորհրդատվական բնույթ ունեն և պարտադիր չեն Եվրամիության ինստիտուտների կամ ԵՄ անդամ երկրների համար: Հունվարի 22-ին սպասվում են հակաբելառուսական բանաձևի քննարկումներն ու քվեարկությունը։
