Դու մենակ չես. Սալոմե Զուրաբիշվիլին` Մզիա Ամաղլոբելիին
Վրաստանի 5-րդ նախագահ Սալոմե Զուրաբիշվիլին, որ այժմ այցով գտնվում է Վաշինգտոնում, իր աջակցությունն է հայտնել «Բաթումելեբի»-ի հիմնադիր, ձերբակալված Մզիա Ամաղլոբելիին.
Ըստ aliq.ge-ի՝ Վրաստանի 5-րդ նախագահը X-ի իր էջում գրել է.
«Մզիա Ամաղլոբելի, դու մենակ չես այս պատմական պայքարում Վրաստանի ազատության համար»։
Հատկանշական է, որ նախօրեին Զուաբիշվիլին X-ում գրել էր.
«Խաղաղ ցույցերի ժամանակ ձերբակալված և վիրավորված կին լրագրող, «Բաթումելեբի»-ի տնօրեն Մզիա Ամաղլոբելին հացադուլ է սկսել։ Նա բոլորին կոչ է անում չհանձնվել»:
Հիշեցնենք, որ օրեր առաջ դատավոր Նինո Սախելաշվիլին Ամաղլոբելիին դատապարտեց երկու ամսվա ազատազրկման։
Նա մեղադրվում է ոստիկանի վրա հարձակվելու համար։
Քրեական օրենսգրքի 353-րդ հոդվածի առաջին մասը, որը ներկայացվել է Ամաղլոբելիին, նախատեսում է ազատազրկում 4-7 տարի ժամկետով։
