Հայաստանը Ռուսաստանի բնական ռազմավարական գործընկերն է. Լավրով
ՌԴ-ն բարձր է գնահատում Հայաստանի հետ եղբայրական հարաբերությունները, այս մասին ՀՀ արտգործնախարար Արարատ Միրզոյանի հետ հանդիպմանն ասաց ՌԴ արտաքին գործերի նախարար Սերգեյ Լավրովը։
«Հայաստանը մեր բնական ռազմավարական գործընկերն է, դաշնակիցը։ Մենք շահագրգռված ենք, որ բարեկամության ավանդույթները ամրապնդվեն և զարգանան»,-ասաց Լավրովը։
Նա նշեց, թե Մոսկվայի և Երևանի առևտրատնտեսական հարաբերությունները վերելք են ապրում, ընդգծելով, որ առևտրաշրջանառությունը հասնում է ռեկորդային թվերի։
«Անցած տարվա ընթացքում այն հասել է շուրջ 12 մլրդ դոլարի»,-ասաց ՌԴ ԱԳ նախարարը։
