Վրաստանի նոր նախագահը ներում է շնորհել 613 դատապարտյալի
Վրաստանի վեցերորդ նախագահ Միխեիլ Կավելաշվիլին ներում է շնորհել 613 դատապարտյալի, հայտնում է Interpressnews-ը՝ հղում անելով Կավելաշվիլիի սոցցանցերում արած հայտարարությանը։
Հաղորդման համաձայն, ներումը տեղի է ունեցել Տիրոջ մկրտության տոնի կապակցությամբ և հիմնված է եղել «մարդասիրության սկզբունքի» վրա։
«Վրաստանի նախագահ Միխեիլ Կավելաշվիլին ներում է շնորհել 613 դատապարտյալի՝ Տիրոջ մկրտության տոնի կապակցությամբ։
Վրաստանի նախագահի կողմից Սահմանադրությամբ իրեն վերապահված բացառիկ լիազորությունների օգտագործումը հիմնված է մարդասիրության և պետական շահի սկզբունքի վրա։
Դրսևորված մարդասիրական վերաբերմունքի շնորհիվ ներվածներին հնարավորություն է տրվել վերադառնալ իրենց ընտանիքներ և կրկին դառնալ հասարակության լիիրավ անդամ»,- ասվում է Միխեիլ Կավելաշվիլիի ֆեյսբուքյան էջում։
