Վրաստանը աշխարհի հնագույն քրիստոնեական երկրներից է, ինչպես Հայաստանը. Սալոմե Զուրաբիշվիլի
Վրաստանի հինգերորդ նախագահ Սալոմե Զուրաբիշվիլին, որը ԱՄՆ ընտրված նախագահ Դոնալդ Թրամփի որդու՝ Դոնալդ Թրամփ-կրտսերի կողմից հրավիրված է նախաերդմնակալության ընդունելությանը, հարցազրույց է տվել Fox News հեռուստաալիքին, որի ընթացքում հայտարարել է, որ «Վրաստանը աշխարհի հնագույն քրիստոնեական երկրներից մեկն է, ինչպես Հայաստանը»։
«Վրաստանը աշխարհի հնագույն քրիստոնեական երկրներից է, ինչպես Հայաստանը։ Մենք ասում ենք՝ որ մենք ենք ամենահինը, նրանք՝ թե իրենք։ Բայց փաստն այն է, որ մենք երկուսս էլ ամենահին քրիստոնյա երկրներ ենք, և դա մեզ սերտորեն կապում է… Մենք Ամերիկայի կարիքն ունենք։ Բայց կարծում եմ, որ Ամերիկան էլ մեր կարիքն ունի»,- ասել է Զուրաբիշվիլին։
Հարցազրույցի ընթացքում նա նաև մեկնաբանել է Ռուսաստանի վերաբերմունքը Հարավային Կովկասի տարածաշրջանի նկատմամբ՝ նշելով, որ Մոսկվան ցանկանում է գերակայել տարածաշրջանում և Վրաստանի նկատմամբ կիրառում է «նոր ռազմավարություն», նման նրան որ կիրառում է Ռումինիայի և Մոլդովայի նկատմամբ։
