Սպիտակ տան ազգային անվտանգության նոր խորհրդական. ՀԱՄԱՍ-ը երբեք չի կառավարի Գազայի հատվածը
ԱՄՆ նորընտիր նախագահ Դոնալդ Թրամփի ազգային անվտանգության հարցերով նոր խորհրդական Մայք Ուոլցը հայտարարել է, որ եթե պաղեստինյան ՀԱՄԱՍ-ը հրաժարվի Գազայում պատանդների դիմաց հրադադարի համաձայնագրից, ապա Միացյալ Նահանգները կաջակցի Իսրայելին «անելու այն, ինչ պետք է նա անի»։
CBS-ի «Face the Nation» հաղորդմանը տված հարցազրույցում նա ընդգծել է, որ «ՀԱՄԱՍ-ը երբեք չի կառավարի Գազան։ Դա բացարձակապես անընդունելի է»։
Թրամփն ու նրա թիմը դա պարզ հասկացրել են Իսրայելի վարչապետ Բենիամին Նաթանյահուին, ասել է Ուոլցը։
«Ես ուզում եմ, որ իսրայելցի ժողովուրդն ինձ հստակ ու պարզ հասկանա: Եթե ՀԱՄԱՍ-ը հրաժարվի այս գործարքից և հետ կանգնի, տեղափոխի նշաձողը, ապա ինչ էլ որ անեք, մենք կաջակցենք Իսրայելին այն ամենում, ինչ նա պետք է անի»,- ասել է նա։
Ուոլցը նաև լավատեսորեն է վերաբերվում նրան, որ Թրամփի վարչակազմը կկարողանա միջնորդ դառնալ Աբրահամի համաձայնագրերի շրջանակներում Իսրայելի և Սաուդյան Արաբիայի միջև հարաբերությունների կարգավորման մասին համաձայնագրի կնքման գործում:
