Ֆրանսիայի չափազանց մեծ պարտքը կախված է դամոկլյան սրի պես․ Ֆրանսիայի վարչապետ
Ֆրանսիան չափազանց մեծ պարտք ունի, որը կախված է երկրի գլխին դամոկլյան սրի պես։ Ինչպես փոխանցում է Reuters-ը, այս մասին երեքշաբթի օրը խորհրդարանում ասել է վարչապետ Ֆրանսուա Բայրուն։
«Բոլոր իշխանական կուսակցությունները, առանց բացառության, պատասխանատվություն են կրում վերջին տասնամյակների ընթացքում ստեղծված իրավիճակի համար։ Յուրաքանչյուր ոք, ով հավելյալ ծախսեր է խնդրում, արդեն մասնակցել է այս ճակատագրական տանգոյին, որը մեզ հասցրել է անդունդի եզրին»,- ասել է Բայրուն։
