Բագրատաշենի անցակետի պահեստում բռնկված հրդեհի հետևանքով կա 3 տուժած
Բագրատաշենի անցակետի պահեստներից մեկում բռնկված հրդեհի տարածումը կանխվել է։ Այս մասին լրատվամիջոցներին հայտնել են ՊԵԿ լրատվական ծառայությունից։
«Հրդեհի բռնկման հանգամանքները պարզվում են»,- ասված է հայտարարության մեջ։
ՀՀ ՆԳՆ-ից հայտնում են, որ կա 3 տուժած․ «Բագրատաշենի անցակետի պահեստում բռնկված հրդեհը մեկուսացվել է ժամը 14։24-ին։
Հրդեհի հետևանքով տուժել է 3 անձ, որոնց տեղում փրկարարներն ու ոստիկանները ցույց են տվել առաջին օգնություն։ Նրանք տեղափոխվել են բժշկական կենտրոն»։
Հիշեցնենք, որ ավելի վաղ հաղորդել էինք, որ այսօր՝ ժամը 12։43-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։
