Բագրատաշենի մաքսակետի տարածքում բանվորներից մեկին անհրաժեշտ է եղել բուժօգնություն, որը պատշաճ կերպով կազմակերպվել է. ՊԵԿ
Բագրատաշենի անցակետի պահեստներից մեկում բռնկված հրդեհի տարածումը կանխվել է։ Այս մասին հայտնում է ՊԵԿ մամուլի խոսնալ Լուսինե Մկրտչյանը։
Նա նշել է, որ մաքսակետի տարածքում բանվորներից մեկին անհրաժեշտ է եղել բուժօգնություն, որը պատշաճ կերպով կազմակերպվել է:
Ավելի վաղ հայտնել էինք, որ հունվարի 3-ին, ժամը 12։43-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից հինգ մարտական հաշվարկ, մեկ ջրատար, Պարեկային ծառայության կարգախմբեր։
Ըստ նախնական տվյալների՝ պահեստում այրվում է պիրոտեխնիկա։
