Այս իրավիճակը դժվար թե վատացնի ալիևյան Ադրբեջանի և պուտինյան Ռուսաստանի դաշնակցային հարաբերությունները. Էդուարդ Աբրահամյան
Միջազգային հարաբերությունների դոկտոր, Լոնդոնի համալսարանական քոլեջի դասախոս Էդուարդ Աբրահամյանը ֆեյսբուքյան իր էջում գրել է․
«Իլհամ Ալիևի կոշտ դիրքորոշումը խոցված ինքնաթիռի վերաբերյալ միտված է ռուսական կողմին ցույց տալու Բաքվի սկզբունքայնությունն իր շահերի պաշտպանության հարցում։ Սա փորձ է ֆիքսել «բարձր ստանդարտներ» երկկողմ դաշնակցային հարաբերություններում, ինչը նշանակում է, որ Մոսկվան պիտի ընդունի, որ կան հստակ վարքագծային կանոններ Ադրբեջանի հետ հարաբերություններում, որոնք պետք է պահպանեն ու չխախտվեն։ Սա պետությունը, պետության շահերը և առաջնորդին որպես պետական համակարգի մաս (ոչ միայն որպես առաջնորդ֊անհատականություն) հարգելու և հաշվի առնելու մոտեցում է։ Պետության սկզբունքայնության խաղն ընդունված մոտեցում է միջազգային հարաբերություններում, հատկապես կիրառվող քաղաքական առևտրի (bargaining) հայեցակարգի շրջանակներում։
Սակայն, այս իրա իճակը դժվար թե վատացնի Ալիևյան Ադրբեջանի և Պուտինյան Ռուսաստանի սերտ դաշնակցային հարաբերություններն ու քաղաքակրթական կոնսոլիդացիայի դինամիկան։ Հեյդար Ալիևի «մեկ ընտրանի, երկու պետություն» սկզբունքը խորը արմատներ ունի և հատկապես ուղենիշ է արդի հակամարտային բազմաբևեռ ոչ արևմտյան աշխարհի ձևավորման ժամանակահատվածում աշխարհաքաղաքական դիրքավորման համար։
Ինչ վերաբերում է նման «մանր» նեղվածություններին, ապա դրանք միշտ կարելի է լուծել հենց քաղաքական առևտրի միջոցով, օրինակ “իրական Հայաստանի” կամ հայերի հաշվին։
Ինչպես օրինակ 2015֊16ին ռուս֊թուրքական փոքր ճգնաժամերի պարագայում էր (Սիրիայի հաշվին)»։
