Եվրոպայի բորսայում գազի գինը հազար խորանարդ մետրի դիմաց հասել է առավելագույն մակարդակի՝ 536 դոլար
Եվրոպայում ֆոնդային բորսաներում գազի գինը բարձրացել է մինչև 2023 թվականի նոյեմբերի 27-ից ի վեր ամենաբարձր մակարդակը՝ 536 դոլար հազար խորանարդ մետրի դիմաց։ Այս մասին են վկայում դեկտեմբերի 31-ի Լոնդոնի ICE Futures բորսայի տվյալները։
Գազի թանկացումը կապված է 2025 թվականի հունվարի 1-ից Ուկրաինայի տարածքով ռուսական գազի տարանցման դադարեցման հետ։ Դեկտեմբերի 31-ի առավոտից աճը կազմել է ավելի քան 4 տոկոս։
Ուկրաինան պաշտոնապես հրաժարվել է երկարաձգել Ռուսաստանի հետ Եվրոպա գազի տարանցման մասին համաձայնագիրը այն բանից հետո, երբ գործող պայմանագրի ժամկետը կավարտվի 2024 թվականի դեկտեմբերի 31-ին։ Ըստ Газета.Ru-ի հետ զրույցում Ռուսաստանը կարող է որոշակի եկամուտներ կորցնել այս իրավիճակի պատճառով, բայց դա անպայման կփոխհատուցի գազի գնի հետագա թանկացման շնորհիվ։
Բացի այդ, Մոսկվան կարող է կամ Եվրոպայի հետ պայմանավորվել ռուսական գազի մատակարարման սխեմայի շուրջ՝ շրջանցելով Կիևի սահմանափակումները, կամ գտնել մատակարարման այլընտրանքային ուղի, օրինակ՝ «Թուրքական հոսք»-ով։
