Մոսկվան պատրաստ է կարգավորել հարաբերությունները Թբիլիսիի հետ. Լավրով
Մոսկվան պատրաստ է Թբիլիսիի հետ հարաբերությունները կարգավորել այնքանով, որքանով պատրաստ է Վրաստանը: Այս մասին տարեվերջին ՏԱՍՍ-ին տված հարցազրույցում հայտարարել է ՌԴ ԱԳ նախարար Սերգեյ Լավրովը։
«Մենք վճռական ենք կարգավորելու ռուս-վրացական հարաբերությունները հենց այնքանով, որքանով Թբիլիսին պատրաստ է դրան»,- նշել է նա։
ՌԴ ԱԳՆ ղեկավարը նաեւ ասել է, որ Մոսկվան չի պատրաստվում միջամտել Վրաստանի ներքին գործերին։
2008 թվականի սեպտեմբերի 2-ին Վրաստանը խզեց դիվանագիտական հարաբերությունները Ռուսաստանի հետ՝ Աբխազիայի և Հարավային Օսիայի անկախության ճանաչման պատճառով։ Դիվանագիտական հարաբերությունների խզմամբ Վրաստանի ԱԳՆ-ն հայտարարեց, որ կպահպանի հյուպատոսական հարաբերությունները Ռուսաստանի Դաշնության հետ։
2009 թվականի մարտից Թբիլիսիում Շվեյցարիայի դեսպանատանը գործում է Ռուսաստանի Դաշնության շահերի բաժինը, որը համալրված է Ռուսաստանի դիվանագիտական և տեխնիկական անձնակազմով: Մոսկվայում ևս Շվեյցարիայի դեսպանատանը, վրացական շահերի բաժին է ձևավորվել, գրում է ՏԱՍՍ-ը։
