Պենտագոնը փորձարկել է երկու հրթիռ, որոնք պետք է փոխարինեն հնացած ATACMS-ներին. Breaking Defence
ԱՄՆ բանակը դեկտեմբերի կեսերին փորձարկել է երկու նոր հրթիռ, որոնք պետք է փոխարինեն ATACMS-ներին, տեղեկացրել է Breaking Defence-ը։
Սկզբում Պենտագոնը փորձարկել է սովորական հիպերձայնային հրթիռ, ինչպես նաեւ HIMARS արձակման կայանքից արձակել է Precision Strike Missile (PrSM) Increment 1 դասի մեկ-երկու հրթիռ։
Հիպերձայնային փորձարկումները իրականացվել են Տիեզերական ուժերի կայանում (Կանավերալ, Ֆլորիդա)։
Պենտագոնի հայտարարության համաձայն՝ սա «այս տարի All Up Round (AUR) համակարգի երկրորդ հաջող ինտեգրված թռիչքային փորձարկումն է եւ հեռահար հիպերձայնային զենքի համակարգի առաջին գործառնական փորձարկումը՝ օգտագործելով Battery Operations Center-ը եւ Transporter Erector արձակման կայանը:
Չորեքշաբթի օրը PrSM-ի արձակումը Նյու Մեքսիկոյում, White Sands Missile Range-ում, հաջողված է համարվել, քանի որ բանակը հայտարարել է, որ զինամթերքը խոցել է «չորս մոդելավորված ուղղաթիռի թիրախները կայանատեղիում»:
Ակնկալվում է, որ Lockheed Martin-ի արտադրած PrSM Increment 1-ը կփոխարինի բանակի հնացած ATACMS մարտավարական բալիստիկ հրթիռին՝ ավելացնելով դրա հեռահարությունը մինչև 500 կիլոմետր: Իր զինանոցի հեռահարությունը մեծացնելու ծառայության ջանքերի շրջանակում այն նախատեսում է օգտագործել PrSM-ի առաջին տարբերակը՝ ավելի մոտ թիրախները խոցելու համար, իսկ հիպերձայնային զենքերը՝ հեռավոր թիրախներին խոցելու համար:
Բացի այդ, նոր Typhon Mid-Range Capability-ը, որը տեղակայվել է այս տարի Ֆիլիպիններում, կօգտագործվի հեռվից թիրախներին խոցելու համար:
