ԱՄՆ Ներկայացուցիչների պալատն ընդունել է 2025 ֆինանսական տարվա պաշտպանական բյուջեն
ԱՄՆ Կոնգրեսի Ներկայացուցիչների պալատը դեկտեմբերի 11-ին ընդունել է երկրի պաշտպանական բյուջեի նախագիծը 883,7 միլիարդ դոլարի չափով։ Այս մասին հաղորդում է The Hill-ը։
Օրինագծին կողմ է քվեարկել 281 օրենսդիր, դեմ՝ 140։883,7 միլիարդ դոլարի փաթեթը ներառում է 14,5%-ով աշխատավարձի բարձրացում կրտսեր պայմանագրային զինծառայողների համար և 4,5%-ով բարձրացում՝ բոլոր մյուս զինվորականների համար:Պաշտպանական բյուջեն նաև ներառում է պահանջներ Պենտագոնի համար՝ չստեղծել նոր պաշտոններ՝ կապված բազմազանության, արդարության և ներառականության ջանքերի հետ:
Բյուջեով նաև նախատեսվում է ուժեղացնել ԱՄՆ-ի ներկայությունը Հնդկախաղաղօվկիանոսյան տարածաշրջանում:
Օրինագիծը ներառում է նաև հիմնական ծրագրերի և նախաձեռնությունների ֆինանսավորում և նախատեսում է յոթ ռազմանավ գնելու և մոտ 200 ինքնաթիռ և ավելի քան 300 մեքենա կառուցելու քայլեր:
«Ամերիկայի ժողովրդի անվտանգությունը մեր գլխավոր առաջնահերթությունն է, և այս տարվա պաշտպանական բյուջեն երաշխավորում է, որ մեր բանակն ունենա մոլորակի ամենահզոր մարտական ուժը մնալու համար անհրաժեշտ ռեսուրսներն ու հնարավորությունները», – ասել է Ներկայացուցիչների պալատի խոսնակ Մայք Ջոնսոնը։ Այժմ օրինագծի շուրջ քվեարկություն կանցկացվի Սենատում։
Սենատում Հանրապետական կուսակցության առաջնորդ Ջոն Թունն ասել է, որ ակնկալում է, որ օրինագիծը կընդունվի հաջորդ շաբաթվա սկզբին։
ԱՄՆ ֆինանսական տարին դաշնային կառավարության համար տևում է հոկտեմբերի 1-ից մինչև սեպտեմբերի 30-ը:
