Հաագայի բնակելի շենքերից մեկում պայթյուն է որոտացել
Հաագայի բնակելի շենքերից մեկում դեկտեմբերի 7-ի առավոտյան պայթյուն է տեղի ունեցել: Այս մասին գրում է Nu.nl պորտալը։
Պայթյունից հետո հրդեհ է բռնկվել։Չորս տուժած տեղափոխվել է հիվանդանոց։ Շրջանի արտակարգ ծառայությունների տվյալներով՝ մոտ 20 մարդ կարող է լինել փլատակներում։
Դեպքի վայրում են հրշեջ-փրկարարները և շարունակում են հրդեհի մարման աշխատանքները։
Պայթյունի պատճառներն առայժմ չեն հաղորդվում։
