Չկան օրինակներ, երբ Ամերիկան հատուկ գներով էներգառեսուրսներ մատակարարի շուկա․ Զախարովան հակադարձել է Ուրսուլա ֆոն դեր Լեյենին
ՌԴ ԱԳՆ պաշտոնական ներկայացուցիչ Մարիա Զախարովան «պոպուլիզմ» է որակել Եվրահանձնաժողովի ղեկավար Ուրսուլա ֆոն դեր Լեյենի հայտարարությունները ռուսական հեղուկ գազն ամերիկյանով փոխարինելու մասին։
«Նա պնդում է, որ ամերիկյան LNG-ն ավելի էժան է և կնվազեցնի էներգիայի գները»,- գրել է դիվանագետը Telegram-ի ալիքում։
ՌԴ ԱԳՆ պաշտոնական ներկայացուցիչը նշել է, որ չկան օրինակներ, երբ ԱՄՆ-ը հատուկ գներով էներգառեսուրսներ մատակարարի շուկա։
