ԵՄ ղեկավարները երկու տարով երկարաձգել են ուկրաինացի զինվորականների վերապատրաստման առաքելության մանդատը

ԵՄ ղեկավարները Բուդապեշտի գագաթնաժողովում երկու տարով երկարաձգել են Ուկրաինայի համար զինվորականների վերապատրաստման առաքելության մանդատը և դրան հատկացրել 409 միլիոն եվրոյի չափով բյուջե։ Այդ մասին ասված է Ուկրաինայի վերաբերյալ Եվրոպական խորհրդի հայտարարության մեջ: 

«Եվրոպական խորհուրդը հաստատել է Ուկրաինային Եվրամիության ռազմական աջակցության առաքելության մանդատը ևս երկու տարով՝ մինչև 2026 թվականի նոյեմբերի 15-ը երկարաձգելու որոշումը և դրան հատկացրել է 409 միլիոն եվրոյի բյուջե», – նշված է հայտարարության մեջ:

Նշում է, որ ԵՄ ռազմական օգնության առաքելությունը կհամագործակցի ՆԱՏՕ-ի, մասնավորապես, Ուկրաինայի համար ՆԱՏՕ-ի անվտանգության աջակցության և վերապատրաստման նախաձեռնության հետ, և վերջինիս հետ կփոխանակի տեղեկատվություն «թափանցիկ, փոխադարձ և ներառական կերպով»։

Ուկրաինային Եվրամիության ռազմական աջակցության առաքելությունը ստեղծվել է 2022 թ. հոկտեմբերի 17-ին, նախնական երկու տարի ժամկետով։ Դրա նպատակն է նպաստել Ուկրաինայի զինված ուժերի ռազմական կարողությունների ընդլայնմանը։ Առաքելության շրջանակներում արդեն վերապատրաստվել է Ուկրաինայի զինված ուժերի շուրջ 63 000 զինվոր։