Նիկոլ Փաշինյանը շնորհավորել է Դոնալդ Թրամփին ԱՄՆ նախագահական ընտրություններում գրանցած տպավորիչ հաղթանակի առթիվ
Նիկոլ Փաշինյանը շնորհավորել է Դոնալդ Թրամփին Միացյալ Նահանգների նախագահ ընտրվելու առթիվ։
Այս մասին Նիկոլ Փաշինյանը գրառում է կատարել X-ի իր միկրոբլոգում։
«Ջերմորեն շնորհավորում եմ Ձեր տպավորիչ հաղթանակի և Միացյալ Նահանգների 47-րդ նախագահ ընտրվելու առթիվ։ Պարոն ընտրված նախագահ, անհամբեր սպասում եմ Ձեզ հետ աշխատելուն՝ կառուցելու Հայաստան-Միացյալ Նահանգներ երկկողմ ռազմավարական հարաբերությունները՝ հիմնված մեր ընդհանուր արժեքների, առաջնահերթությունների և շահերի վրա», – նշված է Նիկոլ Փաշինյանի շնորհավորական ուղերձում։
