ՇՀԿ երկրները դատապարտել են Իրանի ռազմական օբյեկտների վրա հարձակումը
Շանհայի համագործակցության կազմակերպության (ՇՀԿ) անդամ երկրները խորապես մտահոգված են Մերձավոր Արևելքում իրավիճակի սրմամբ և խստորեն դատապարտում են Իրանի ռազմական օբյեկտների վրա հարձակումը։ Այս մասին հայտարարությունը տարածել է ՇՀԿ քարտուղարությունը։
«Շանհայի համագործակցության կազմակերպության անդամ երկրները խստորեն դատապարտում են 2024 թվականի հոկտեմբերի 26-ին Իրանի Իսլամական Հանրապետության ռազմական օբյեկտների վրա հարձակումը»,-ասված է հայտարարության մեջ:
Նշվում է, որ ՇՀԿ անդամ երկրները խորապես մտահոգված են Մերձավոր Արևելքում իրավիճակի սրմամբ, որը կարող է իրական սպառնալիք առաջացնել միջազգային խաղաղության, անվտանգության և կայունության համար:
«ՇՀԿ անդամ երկրները հանդես են գալիս այս տարածաշրջանում իրավիճակի կայունացմանն ուղղված արդյունավետ միջոցների շուտափույթ ընդունման օգտին՝ բացառապես քաղաքական և դիվանագիտական միջոցներով, միջազգային իրավունքի ընդհանուր ճանաչված նորմերի, այդ թվում՝ ՄԱԿ-ի կանոնադրությամբ ամրագրված նորմերի համապատասխան»,-նշված է կազմակերպության հայտարարության մեջ։
