Թուրքիայից Ադրբեջան կաշվե իրերի արտահանման ծավալները նվազել են
Թուրքիայի առևտրի նախարարությունը տվյալներ է հրապարակել 2024-ի հունվար-սեպտեմբերին Թուրքիայի կաշվե իրերի արտահանման ծավալների վերաբերյալ։ Այս մասին տեղեկացնում է ermenihaber.am-ը։
Ընդհանուր առմամբ այս տարի Թուրքիայի կաշվե իրերի արտահանումը նախորդ տարվա նույն ժամանակահատվածի համեմատ նվազել է 21.3%-ով՝ հասնելով 1 մլրդ 167 մլն դոլարի։
Միջանկյալ նշենք, որ Թուրքիան 2023-ի սեպտեմբերից մինչև 2024-ի սեպտեմբեր արտահանել է 1 մլրդ 541 մլն դոլարի կաշվե արտադրանք։
Մասնավորապես նշվում է, որ 2024-ի հունվար-սեպտեմբերին նախորդ տարվա նույն ժամանակահատվածի համեմատ 17%-ով նվազել է Թուրքիայից Ադրբեջան կաշվե ապրանքների արտահանման ծավալները՝ կազմելով` 12.6 մլն։
