Թուրքիայի ԱԳՆ-ն հայտարարում է Լիբանանից իր քաղաքացիների տարհանման մասին
Թուրքիայի արտգործնախարարությունը հայտարարել է, որ Լիբանանում գտնվող իր երկրի քաղաքացիները հոկտեմբերի 9-ին ծովային ճանապարհով կտարհանվեն:
«Մեր նավերի ընդհանուր տարողունակությունը մոտավորապես 2.000 ուղևոր է»,-ասվել է հայտարարությունում:
Նշվել է, որ անհրաժեշտության պարագայում տարհանման գործընթացը կարող է տևել օրեր, իսկ քաղաքացիներին Թուրքիայում ընդունելու և նրանց ապրուստը ապահովելու համար նախապատրաստական աշխատանքներն ավարտվել են:
«Բացի այդ, տարհանման համար գործուղված մեր նավերը Լիբանանին կփոխանցեն նաև մեր հումանիտար օգնությունը»,-նշվել է հաղորդագրությունում:
