Իրան են տեղափոխել Իրան-իրաքյան պատերազմի զոհերի 98 մարմինների մնացորդներ
Իրանի «Շալամչեհ» միջազգային սահմանային անցակետով երկիր են տեղափոխել Իրան-իրաքյան պատերազմի (1980-88 թթ.) 98 իրանցի նահատակների մարմինների մնացորդներ:
Այս մասին հայտնում է IRNA-ն:
Մանրամասները հայտնել է իրանցի նահատակների մարմինների հայտնաբերման համար պատասխանատու որոնողական կոմիտեի ղեկավար գեներալ Մոհամմադ Բաքերզադեն:
Մարմինների մնացորդները կուղարկվեն Իրանի Ահվազ քաղաք, այնուհետև կտեղափոխվեն Թեհրան:
Նշվում է, որ շուրջ 8 տարի տևած պատերազմը խլել է 230 000 իրանցի զինվորի կյանք, իսկ մոտ 600 000-ը զինհաշմանդամ են:
