«Դու ո՞վ ես, որ ՄԱԿ-ի ամբիոնից նման հավակնոտ բաներ գոռաս… Ո՞վ է քեզ բանի տեղ դնում, ո՞վ». Շարմազանովը՝ Փաշինյանին
էդուարդ Շարմազանովը ֆեյսբուքյան իր էջում գրում է. «Նիկոլի «ապագա կա»-ի հետեւանքն Արցախի հանձնումն էր, արցախահայության գաղթն էր եւ Հայաստանի 240 քառ. կմ օկուպացիան։
Աշխարհը միջուկային հարվածներից հինգ է պակաս, տարածաշրջանը եռում է, իսկ Նիկոլը ՄԱԿ-ում գոռում է՝ «ապագա կա»։
Մեկը չկա՞ր, որ դրան ասեր՝ մենք քո բերած «ապագայից» գոհ ենք։
Կամ դու ո՞վ ես, որ ՄԱԿ-ի ամբիոնից նման հավակնոտ բաներ գոռաս։
Դու քո ժողովրդի անվտանգությունը չես կարող պաշտպանել, եկել ես այստեղ ի՞նչ ես խոսում։
Ո՞վ է քեզ բանի տեղ դնում, ո՞վ…
Արեւմո՞ւտքը, Իրանը՞, Թուրքիա՞ն, թե՞ ՌԴ-ն։
Ոչ մեկ։
Ոչ մեկ լուրջ չի կարող ընդունել սեփական ժողովրդին ադրբեջանցիների հարձակումների ժամանակ միայնակ թողնողին։
Ոչ մեկ լուրջ չի ընկալի մեկին, ով ծպտուն չի հանում Բաքվի բանտերում հայտնված մեր գերիների մասին։
Եվ վերջում… Արցախի նախկին նախագահ էլ կար, ով մինչեւ վերջ միամտորեն հավատում էր Նիկոլի «ապագա կա»-ին, իսկ այսօր նույն Նիկոլի անգործության արդյունքում հայտնվել է Բաքվի բանտում։
Նիկոլի «ապագա կա»-ն կորսված հայրենիքն է, գաղթն ու գերությունն են»։
